Domo Arigatoo M. Deonto

Ech kommen gëschter Owend heem, mir ware bowlen, kee Stress wäit a breed. Ech sëtzen also nach kuerz am Living, wollt mech um Lafenden halen a zappen duerch méng News-Bookmarks. NYTimes, Monde an last and least RTL.lu. Anscheinend koum et zu engem Drama an eisem soss esou friddleche Land, Leit hu geschoss, Leit si gestuerwen. Faits divers vun, ech ginn et zou, dramatëschem Ausmooss. Drama, dat kenne mer aus dem Theater. Dësen Akt huet um Parking vun der Luxexpo stattfonnt, et war allerdings och de läschten fir d’Haaptroll…

Wourop ech awer hiweise wëll ass eppes ganz Aaneres, nämlech den Traitement vun dëser Informatioun. Ech liesen also déi kleng Geschicht op news.rtl.lu a mir fällt op wat mer hei schon oft gesot kruten. De gudde Mann mam Brëll dee ganz fir iwwert de Mikro schwetzt muss et leider ze oft widderhuelen. Ech schwetzen natirlech vun dësem méi wi frowierdege (?) Saaz:

“Bei den 2 Affer handelt et sech em Portugiesen, déi hei am Land wunnen.”

D’Froe sinn: Wat bréngt dës Informatioun dem Artikel un plus-values? Ass d’Informatioun wichteg fir de Kontext ze verstoen? Befanne mer eis an engem aanere juristësche Kader?

Ech kann net aanescht wéi mat Nee ze äntwerten. Et ass dësweideren normal dass Leit déi sëch zu Lëtzebuerg befannen och zu Lëtzebuerg wunnen (reng statistësch gesinn), wann et also hei och sou ass, wéisou drop opmierksam maachen?

Ech hu leider misse feststellen dass och wort.lu dës “Informatioun” an hirem Artikel publizéiert huet.

Blogathon: eng Première

De Chris, veréierte Member vun der nationaler Blogsphär a gläich Contributeur op dueblem Posten, rifft Iech op: Matmaachen beim éischte lëtzebuerger Blogathon!

D’Thema ass Afrika, wee wëll partizipéiren deelt him de Sujet vu séngem Bäitraag mat, sou lossen sëch Iwwerschneidungen verhënneren. Weider Detailer ginn et natirlech an dem entspriechende Post op Pianocktail, DÄR Adress fir Kino- a Musék-News (elo och mam Thorben).

D’RTBF géint Een

Den Zebra läit vis-à-vis vun den Halles St. Géry. Dräi Meter Pavé trennt de Café vun der fréierer Maartplaz. Gehaasst wéinst dem schlechte Service, ëmsou méi veréiert wéinst dem Thon-Bréitchen. Dass et DAT bescht ass, dat kann ech als méng onparteiëschst Meenung bezeechnen.

MARDI: WEI HU MER ET?

Et ass Dënschden, 10 Auer. D’Aktualitéit verlaangt e Bléck op d’Marché’en. Währenddeems de Krach 40 (Libé) no kuerzer Montée rem ganz liicht verléiert wëll sëch d’Panik vu gëschter, an et war eng weltwäit Panik, nach nët lee’en. Et gouff méi wéi ee gudde Grond, den asiatëschen Raum ass, dat war z’erwarden, an der Nuecht vun e Méinden op en Dënschden mat starken Verloschter opgestan, d’Boursen kruten sech Ënn der Sessioun opgeriicht, den Nikkei zum Beispill limitéiert de Schued an bleiwt bei -3,03 %.

Relaunch: Dir wart hei

Säitens dem Lëtzebuerger Wort gouf et dës Woch e grousse Changement, hire Site Wort.lu ass redesignt ginn a gouf Mëtt der Woch lancéiert. Quasi zäitgläich mat engem wesentlech méi gréisserem Relaunch, deem vun der Libération. Ech wëll och net vill Wierder verléieren, just e klengen Tour iwwert déi zwou Säiten dréinen.

USA: den Iwwerbléck viru Mëtteg

Di grouss Marché’en schléissen um Owend vum 25. September performant of, d’Haapt-Thema bleiwt den Kar-aus-dem-Dréck-zéi-Plang vum Paulson. Mat bis zu 700 Milliarden US-Dollar soll moros Aktiva opkaft ginn, Balast oofwerfen, grouss Seegel opzéien. Effektiv waren Meldungen vun engem Accord opkomm, en ausräisereche Grupp Republikaner huet d’Hoffnungen op eng schnell Léisung awer an de Wand geschlo, aner Strategien ginn also de Moment nach analyséiert.

RTL mengt en hätt eng Sonndeszeitung

De Moie sinn eng Onmass Monokelen a Martiniglieser gefall nodeems den RTL an enger narzisstëscher Aktioun en weideren Deel vu séngem Relaunch gelauncht huet. Dobäi ass RTL Aanzeien no baal an dat doudescht Mier gefall wat sech Clickgäilheet nennt. Doud well vill ze versalzt.

Rentrée blogalle

Et ass halwe September, et geet rem lass. Dat gesäit ee schon um grammatikalësch-fiktiven Titel. Effektiv léisst di massiv Motivatioun et zou un Produktivitéit ze denken an, ënnert de richtegen Ëmstänn, fir d’Veröffentlechung vun e puer klengen Artikelen ze suergen. Ongeféier sou vill Artikele wéi Sonnestonnen.

Change de chaîne pauv’ con! – Introduktioun

Dat heiten ass d’Introduktioun zu enger Serie Artikelen iwwert wichteg Leit an hir Implikatiounen am Medien-Zirkus. Et geet ëm den Sarkozy, den Berlusconi, Canal+ an Journalisten. D’Introduktioun bleift, fir hirem Character trei ze bleiwen iwwerflächlech an relativ faktelos, déi nächst Episoden wäerten allerdéngs méi novollzéibar sinn.

---

Mir kennen all den Nicolas Sarkozy, dee sympateschen klengen Mann mat der Hoken-Nues. Hien intresséiert sech fir Politik an ass, wéi mer wëssen, “Président de la République”. Wéi dat sou ass mat Politiker hunn se eng gewëssen Affinitéit fir Macht an dessen Perpétuitéit. Jee, fir sou eng Saach um Lafen ze halen brauch ee Kollegen; an ech mengen net déi di een um Internet kenne léiert. Nee, fir sou e Projet brauch een Leit déi ee scho laang kennt, besser ass et, ween hätt et geduet, wann déi Leit widerums och Leit kennen. Et gëtt der Saach nach méi Dynamik wann déi Kollegen a verschiddene Secteuren aktiv sinn; ech denken do un d’Industrie, d’Politik selwer an, wisou net, d’Mediebranche.

Summerlachgedanken – 1