Story erzählt, Thema verfehlt.

Wann och dëser Deeg net vill hei geet, dat geet ëmmer!

Eng kléng crosspromotionell Annonce: Op méngem Photoblog sinn d’Biller vun der zweeter Demonstratioun vun der Gruppéierung “Anonymous” ze gesinn. Déi war de Mëtten zu Bréissel bei der Bourse.

Prädikat: EPIC.

Kënt Zäit, kommen Blogs. Sou ass dat, och bei eis. Mee wat ass komm? We’ll take a look!

Do hu mer engersäits en Kultur-Blog mam Titel “Conceptless - Oder dach?” deen sech mat Musék, an zukünfteg och mat Filmer beschäftegt. Aus dem Clavier komm ass en dësen Februar. Als quasi éischten Bäitraag fënnt sech eng Momentopnahm vun der Lëtzebuergescher Musik-Szen. Den Auteur: “Sou wäit ech daat lo konnt gesin, ginn et net souvill Leit déi sou Themen behandelen. A wann jo, dann sinn déi Blog’en méi wéi subjektiv. Ech probéieren daat Ganzt mat enger méi objektiver Approche un ze goen. Waat natierlech schwéier ass, well virun allem Musik ëmmer eng Affaire de goût ass an deemno net wirklech kann objektiv sin.” Och wann sech hei réicht dräi Bäitreeg fannen, sou kann een sech awer schon en grafft Bild vum Resultat maachen. Ween et net liesen geet ass selwer Schold!

Anerersäits en Blog deen sech mat japanescher Pop- an Geekkultur auserneesetzt, Oyasumi. En speziellt Thema mee et kann een sech enger gewësser Demande sëcher sinn. Japanesch Jugendkultur geet hir eegen Wee’er an fënnt och an Europa Uklang. “Silent revolution” ass d’Stëchwuert, bericht gëtt hei iwwert alles wat mat “J-” uffänkt. Détailléiert an recherchéiert Posts iwwer Rock-, Pop- an TV-Staren inklusiv Erklärungen zu den jeweilegen Szenen. Ween sech wëll en Bild maachen kann ufänken mat dem Bericht iwwert den neien Album vum Ayumi Hamasaki, dem “most selling female J-Pop Artist”, eng grouss Nummer also. Froen sinn hei wëllkomm, den Auteur géing sech fréen sain Wëssen mat dem Lektorat ze deelen. 見てみなさい.

Et geet deemno virun; Lëtzebuergesch Blogs schéissen weiderhin aus dem Buedem sief deem gesot deen eis wëll vum Géigendeel iwwerzeegen. Och wann den gréissten Deel net zu Lëtzebuerg selwer verfasst gëtt (an dat ass och hei de Fall).

En interessanten Face-à-Face an e puer interessant Äntwerten. Den Direktor vun FOE (Friends of the Earth) an den Managing Director vun Porsche Great Britain diskutéieren iwwert en Gesetzesprojet deen d’Besëtzer vun stark-polluéierenden Autoen an d’Keess rifft. A wéi mer wëssen gehéiert Porsche an éischter Linn zu den Fabrikanten vun héich-polluéierenden Autoen. Gréisstendeels Autoen déi irrealistesch héich (am legalen Sënn) Spëtzengeschwindegkeeten erreechen.

Et ass eng positiv Ofwécklung well engem kloergëtt dass een mat Wierder net alles verteidegen kann. Den Andy Goss (Porsche) muss staark astiechen, seng Argumenter beweegen sech op dënnem Äis. Hien probéiert duerch manipulativ agesaaten Zuelen ze punkten an versicht der UE d’Verantwortung fir net-zaitgemäss Antriebs-Konzepter an d’Schung ze leeen. An engem läschten Otemzuch gëtt dem Public d’Pseudo-Argumenter widderholl, PR aus dem Handbuch.

Wat iwwreg bleiwt ass en kloeren Gewënner. Den Tony Juniper ass calme wéi op engem Sonndegmoien an brauch sech nëmmen minimal unzestrengen fir seng iwwerleeen Positioun ze justifiéieren.

“Companies like Porsche have a major choice, they can either persist with their old business, put their head in the sand and try fighting these regulations or they can start to put their considerable expertise and engineering capacity into bringing forward much less polluting vehicles.”

P.S.: Déi Geschicht ass schon eng Zaitchen hir, schéngt mer awer pertinent genuch fir se lo réicht z’erwähnen. All Dag an enger Groussstat ass een Dag mat zevill Autoen.

Aus den Archiver vum Soir, “la prison de Scharrig“. Wou deen Feeler sain Ursprong huet wéilt ech gär wëssen…

…kënt lo d’Freeze-Well op eis duer. Mer wessen all dass se wärt kommen a mer schaffen schon kräfteg drun.

New York, London, Toronto, Edinburgh, Bréissel an deemnächst Paräis an natirlech och Lëtzebuerg. Op d’Initiativ vum Joel Brücher an Christian Stoltmann gouf den FREEZE-Blog Luxembourg opgemaach. Iwwert dëst Medium gëtt flaisseg no Aktivisten gesicht, umellen kann een sech dann iwwert den genannten Blog oder iwwert d’Facebook-Grupp. Mat den Memberszuelen geet et anscheinend méi oder wéineger virun. Vill Partizipanten sinn natirlech wënschenswärt, 50 Leit allerdings ginn awer scho baal duer fir d’Stater Gare ze “freezen”.

Zu Bréissel ass et, wéi schon ugedeit, haut zu souengem Event komm an zwar an der Gare Centrale. Wann een d’Photo gudd kuckt kann een riets am Hannergrond eng zolitt Trupp Journalisten erblécken. Wënschenswärt wär sou en Medieninteresse och zu Lëtzebuerg, zumol een dann den Namur jo scho voll hätt.

Nach en läscht Wuert zum eigentlechen Evénement: Mir ginn op wierksam Art a Wais mat der Relativitéit vun der Zait konfrontéiert, an dat ass, denken ech mol relativ wärtvoll. 5 Minuten ginn hautzudaags enorm schnell ëm, do kënt en kompletten Stillstand am öffentlechen Raum zur richteger Zait fir unzereegen. Ausserdeem léiert een vlait e puer Leit kennen, eng friddlech, sozial Saach also. A wat ass da schon falsch un eppes Sozialem?

Den Yves Leterme huet et net liicht an de läschten Deeg. Knapps ass en aus dem Spidol, scho kritt en vun eisem allsaits beléiwten RTL ënnerstallt (Beweisstéck A) en géing zu den Tuutebattien vun der N-VA (Nieuw-Vlaamse Alliantie) gehéieren. Dat ass esou net ganz richteg, hien ass nämlech an dem CD&V, den Chrëscht-Demokraten. An och wann den CD&V an d’N-VA en Kartell forméieren (dat belscht Wuert fir Koalitioun), sou mëcht dat aus hinnen nach keng Parteikollegen.

Hei en Ausschnëtt aus dem läschten RTBF-Baitrag: “Le SP.a, lui, a dénoncé un gouvernement des promesses non tenues et l’absence de décisions et attaqué lui aussi un cartel CD&V-NV-A, divisé, qui s’insulte par presse interposée. Attaqué surtout un CD&V, accusé de promettre toujours une grande réforme de l’Etat, mais d’en postposer toujours plus la date. Face à ce feu croisé, le CD&V a été forcé de répliquer qu’effectivement, il ne maintiendra sa confiance à un gouvernement Leterme I, fin juillet, que si il existe une vaste réforme de l’Etat.”

Bildausschnëtt 1 ass vum 21/02/08 - 13:20, Bildausschnëtt 2 vum 22/02/08 - 12: 56.

“Wenn man liest, wie Demonstranten während des G8 Gipfels teilweise behandelt wurden, dann kann einem schon der Gedanke kommen, dass hier etwas nicht mehr stimmt.”

Hei fannt der d’Manuskript am pdf-Format vun enger Produktioun vum/fir den Deutschlandfunk mam Numm

“DER G8-GIPFEL IN HEILIGENDAMM -
AUSNAHMEZUSTAND IN DEUTSCHLAND”

Empfehlenswert virun allem fir Leit déi net do waren…

(via)

Eng Wunneng, e puer Leit, Stadium: Pre-Party. Den Fernseh gëtt ugemaach, Guitar Hero lued. Wat geschitt?

Keep reading →